رجــــــــــــوع

بقلم/ الأب سيمون عساف

بعد القبايح والفضايح يا مغول حان الوقت ما يعود في عَنْقا وغول

ومن بعد منكم يلتقي الخِلِّ الوفي ويلعن سُلالات الخلاعه والنُغُول

لمَّا اغتصبتو أرضنا شعبي طِفي قنديل سعدو وجيشكم بيَّن رَغول

يرضع لبن أرضي وعسلها ويشتفي بمهد الكرامه والكرم فاسد لَعين

من أخمصو للراس غشَّاش وزَغُول

يلاَّ ارحلو ما عاد بكِّير وكفا متل الجراد بأخضر ويابس كَبَس

هلَّق لنا بتعود أيام الصفا وبينعتق أعتى نسرجنحو انحبس

كنتوالشؤم للأرزما دقنا الغفا حتى إجا بترحيلكم إلنا قبس

لبنان شاف الويل منكم ما انعفا ولما فرض الله عليكم إنسحاب

عاد ابتسم من بعد ما شعبو عبس

راجع بطلنا القائد الشهم الظريف يلمّ الشمل ويرد للأرزه العيال

راجع زعيم بنبل أخلاقو طريف يودِّي غصن زيتون بدل الإغتيال

إبن المرؤه بموقفو شامخ شريف إنسان ما عندو خداع وإحتيال

صبر العماد استنظر يروح الخريف ويحمل ربيع العنفوان وطلِّتو

تستكتر تمرِّق على العالم خيال

تراب الشهيد بيرقص بقبرو طرب لما الشلوح تلوح خضرا رَيِّقَه

والغار والزيتون عنها ما اغترب بظلِّ السلامه والرشاقه عيِّقه

بيت الشعب كاس الرجوع بينشرب بفيَّات حريِّة طليقه شيِّقه

لما العماد يطل عَ دنيا العرب بدنا نلاحظ بعدما مجدو نقيس

تياب المجد طلعت ع جسمو ضيِّقه

18/1/2005